Ordubadda maşın çaya aşıb, 3-ü bir ailənin üzvü olmaqla, 4 nəfər xəsarət alıb - FOTO
https://birxeber.az//uploads/photo/ordubadda-man-aya-ab-3-bir-ailnin-zv-olmaqla-4-nfr-xsart-alb-foto.webp
Ordubadda ağır yol-nəqliyyat hadisəsi baş verib.
APA-nın Naxçıvan bürosu xəbər verir ki, hadisə rayonun Düylün kəndi yaxınlığında qeydə alınıb.
1957-ci il təvəllüdlü Bağırov Mehdi Ramazan oğlunun idarə etdiyi "Hyundai" markalı avtomobil yoldan çıxaraq Düylün çayına aşıb. Hadisə nəticəsində avtomobildə olan bir ailənin 3 üzvü - 1965-ci il təvəllüdlü Salmanov Cəlil Salman oğlu, 1966-cı il təvəllüdlü Salmanova Mailə Alı qızı və 1992-ci il təvəllüdlü Salmanov Toğrul Cəlil oğlu xəsarət alıb.
Xəsarət alanların 4-ü də Naxçıvan Mərkəzi Xəstəxanasına yerləşdirilib. Vəziyyətlərinin orta-ağır olduğu bildirilir.
Faktla bağlı araşdırma aparılır.
