Rusiyada yaşayış evindəki partlayışda ölənlərin sayı beşə çatıb - YENİLƏNİB

Rusiyanın Xantı-Mansiysk Muxtar Dairəsinin Nijnevartovsk şəhərində beşmərtəbəli yaşayış binasında partlayış nəticəsində ölənlərin sayı 5 nəfərə çatıb.

"Report" xəbər verir ki, bu barədə Rusiya Fövqəladə Hallar Xidməti məlumat yayıb.

Xilasetmə əməliyyatı davam edir.

Rusiyanın Xantı-Mansiysk Muxtar Dairəsinin Nijnevartovsk şəhərində beşmərtəbəli yaşayış binasında partlayış nəticəsində iki nəfər ölüb, 10 nəfər xəsarət alıb.

"Report" xəbər verir ki, bu barədə Rusiya Fövqəladə Hallar Xidməti məlumat yayıb.

Xəsarət alanlardan 4-ü xəstəxanaya yerləşdirilib.

Ümumilikdə evin 52 sakini təxliyə edilib, məktəblərdən birində müvəqqəti sığınacaq yaradılıb.

Partlayış yerinə 6 təcili tibbi yardım briqadası, Fövqəladə Hallar Nazirliyinin 9 texnikası cəlb olunub.

Faktla bağlı prokurorluq araşdırmalara başlayıb.