Avropa Komissiyası polşalı fermerlərin Ukrayna ilə bağlı tələblərini yerinə yetirə bilməz

Avropa Komissiyası polşalı fermerlərin Ukrayna ilə bağlı tələblərini yerinə yetirə bilməz

Avropa Komissiyası polşalı fermerlərin Ukraynadan kənd təsərrüfatı məhsullarının idxalına qadağa qoyulması tələblərini yerinə yetirə bilməz, çünki Polşa hakimiyyəti əvvəllər birtərəfli qaydada Ukrayna taxılının ölkəyə idxalına qadağa qoyub.

“Birxeber.Az” xəbər verir ki, bu bəyanatla Avropa Komissiyasının rəhbərinin müavini Valdis Dombrovskis çıxış edib.

“Ukrayna taxılına gəldikdə. Bu vəziyyətə baxsanız, bu, çoxlu suallar doğurur, çünki Polşa artıq birtərəfli qaydada Ukrayna taxılının idxalına qadağa qoyub. Polşalı fermerlər Ukrayna taxılı artıq qadağandırsa, niyə ona etiraz edirlər? Nəzəri olaraq, etirazçıların tələbləri ilə razılaşsam belə, nə etməliyəm? Artıq qadağan olunmuş bir şeyi qadağan etmək?”, - deyə o bildirib.

Dombrovskis Macarıstan, Polşa və Slovakiya hakimiyyət orqanları tərəfindən Ukrayna taxılının idxalına qoyulan qadağanın qanuniliyini şübhə altına alıb və bu ölkələrə qarşı tədbirlər görməyə hazır olduğunu bəyan edib:

“Macarıstan, Polşa və Slovakiyaya xəbərdarlıq məktubları göndərmişik. Əgər vəziyyət düzəlməzsə, o zaman biz daha da irəli getməyə və bu ölkələr tərəfindən Aİ normalarını pozmaq üçün prosedura başlamağa hazırıq”.