Beynəlxalq Ağır Atletika Federasiyası iki rusiyalını dopinqə görə diskvalifikasiya edib

Beynəlxalq Ağır Atletika Federasiyası (IWF) rusiyalı Soslan Katayev və Yuliya Kaçayevanı antidopinq qaydalarını pozduğuna görə diskvalifikasiya edib.

"Birxeber.Az"un məlumatına görə, bunu IWF-nin materialları sübut edir.

Hər iki idmançı dörd il müddətinə diskvalifikasiya edilib.

Kataev və Kaçayeva 2013-cü ilin avqustunda antidopinq qaydalarının pozulmasına görə Moskva Antidopinq Laboratoriyasının LIMS məlumat bazasına əsasən yarışlardan uzaqlaşdırılıb. Hər iki idmançı ağır atletika karyerasını çoxdan başa vurub.

Katayevin 33 yaşı var, 2016-cı il Rusiya çempionatında 105 kq-dan yuxarı çəki dərəcəsində ikinci, 2013-cü ildə gənclər arasında Avropa çempionatında dördüncü yeri tutub. Bu nəticələr ləğv edilə bilər.