Bosfor boğazında gəmilərin hərəkəti bərpa olunub - YENİLƏNİB

Bosfor boğazında hər iki istiqamətdə dayandırılan gəmilərin hərəkəti artıq bərpa edilib.

"Report" xəbər verir ki, bu barədə Türkiyə Sahil Təhlükəsizliyi Baş İdarəsinin saytında məlumat yayılıb.

Qeyd edək ki, gəmilərin hərəkəti səhər saatlarında qatı duman səbəbindən dayandırılmışdı.

Türkiyənin İstanbul şəhərində qatı duman səbəbindən Bosfor boğazında hər iki istiqamətdə gəmilərin hərəkəti dayandırılıb.

"Report" "Anadolu" agentliyinə istinadən xəbər verir ki, məhdudiyyət yerli vaxtla saat 04:15-dən tətbiq edilib.

Hazırda növbədə 301 gəmi var.

Qeyd edək ki, martın 10-da İstanbulun bəzi ərazilərində güclü duman müşahidə olunur.