“Şahdağ” Beynəlxalq Xizək Alpinizmi yarışına yekun vurulub

"Şahdağ" Turizm Mərkəzində keçirilən Beynəlxalq Xizək Alpinizmi yarışlarına yekun vurulub.

"Report"un Şimal bürosunun məlumatına görə, Azərbaycanda bu idman növü üzrə ilk dəfə keçirilən beynəlxalq turnirdə 11 ölkənin 60-dək idmançısı birincilik uğrunda mübarizə aparıblar.

Yarışın sonuncu günündə "vertikal yürüş" növ üzrə üç yaş kateqoriyasında medalçılar bəlli olublar.

Qaliblər Qış İdman Növləri Federasiyası və “Şahdağ” Turizm Mərkəzi tərəfindən medal, kuboklar və müxtəlif hədiyyələrlə təltif olunublar.

Turnirin keçirilməsində əsas məqsəd isə ölkədə qış idman növlərini təşviq etmək, insanlar arasında xizək idman növlərinə marağı artırmaq, həmçinin mərkəzin beynəlxalq yarışların təşkili istiqamətində təcrübəsini genişləndirməkdir.

Qeyd edək ki, ötən gün idmançılar "sprint yürüş" növü üzrə güclərini sınayıblar. Bu növdə U-23 kateqoriyasında çıxış edən Azərbaycan yığmasının üzvü Nəzrin Qəribova gümüş medalın sahibi olub.

Yarışın ikinci günü, “vertikal yürüş”ü uğrunda xizəkçilər arasında mükafatçılar:

U-18 kateqoriyasında:

Qadınlar arasında

I yer – Helena Eurenger (Almaniya)
II yer – Eva Sophie (Avstriya)
III yer – Ekin Aydoğdu (Türkiyə)

Kişilər arasında

I yer – Morits Bauregger (Almaniya)
II yer – Adria İsal Garcia (Andora)
III yer – Simon Widmoser (Avstriya)

U-20 kateqoriyasında:

Kişilər arasında

I yer – David Jost (Almaniya)
II yer –Emirhan Kars (Türkiyə)
III yer – Methsy Nogueras (Fransa)

U23 kateqoriyasında:

Qadınlar arasında

I yer – Nikola Matkova (Slovakiya)
II yer – Marzieh Beha (İran)
III yer – Nəzrin Qəribova (Azərbaycan )