“Gəncə”nin baş məşqçisi hədəflərini açıqlayıb

“Gəncə”nin baş məşqçisi hədəflərini açıqlayıb

“Gəncə” basketbol klubunun baş məşqçisi Bedri Meriç cari mövsümlə bağlı hədəflərini açıqlayıb.

“Report”un məlumatına görə, mütəxəssis Azərbaycan Kubokunda “NTD İndiqo”ya 75:98 hesabı ilə məğlub olduqları oyundan sonra bütün diqqətlərini çempionata yönəltdiklərini bildirib.

Bedri Meriç liqada uğurlu çıxış etmək arzusunda olduqlarını söyləyib: “Kubok matçlarını ritm yaxalamaq üçün oynayırıq. Rotasiya etmək imkanı bizdən daha geniş olan rəqibə qarşı çıxış etdik. Bundan sonra fikrimizdə çempionat matçları var. Liqada yaxşı oynayıb qələbə qazanmaq istəyirik. Hədəfimiz heç olmasa mövsümün sonu üçün azarkeşlərimizə sevinc bəxş etməkdir. Diqqətimiz buna yönəlib”.