Premyer Liqa: “Turan Tovuz” “Araz Naxçıvan”ı, “Qarabağ” “Zirə”ni qəbul edəcək
Bu gün Azərbaycan Premyer Liqasında XXVI tura yekun vurulacaq.
“Report”un məlumatına görə, son gündə iki oyun keçiriləcək.
Günün ilk görüşündə "Turan Tovuz" və "Araz-Naxçıvan" komandaları üz-üzə gələcəklər. Tovuz klubu 32 xalla 7-ci, Naxçıvan təmsilçisi 31 xalla 8-ci pillədə qərarlaşıb.
Tur "Qarabağ" - "Zirə" matçı ilə başa çatacaq. “Köhlən atlar” 60 xalla 1-ci, “qartallar” 36 xalla 6-cı yerdədir.
Qeyd edək ki, turun əvvəlki oyunlarında “Sumqayıt” “Səbail”i səfərdə (1:0), “Sabah” “Qəbələ”ni evdə (2:1) minimal fərqlə məğlub edib, “Kəpəz”lə “Neftçi” qollu bərabərə (3:3) qalıblar.
Azərbaycan Premyer Liqası
XXVI tur
10 mart
15:30. “Turan Tovuz” – “Araz-Naxçıvan”
Baş hakim: Rəşad Əhmədov
Tovuz şəhər stadionu
18:00 "Qarabağ" – "Zirə"
Baş hakim: Əliyar Ağayev
Tofiq Bəhramov adına Respublika stadionu