Misir Prezidenti: Qəzzanın bərpasına 90 milyard dollardan çox vəsait gərək olacaq

Qəzza zolağının yenidən qurulması 90 milyard dollardan çox tələb edəcək.

“Report” xəbər verir ki, bu barədə Misir Prezidenti Əbdülfəttah əs-Sisi deyib.

“Qəzza zolağı hazırda böyük bir faciənin şahididir. Minlərlə insan həlak olub və zolağı bərpa etmək üçün 90 milyard dollardan çox lazım gələcək”, - ölkə lideri əlavə edib.

Qeyd edək ki, 2023-cü ilin oktyabrından etibarən Yaxın Şərqdə HƏMAS-la İsrail arasında müharibə gedir.

Xatırladaq ki, Misir lideri daha əvvəl demişdi ki, yaxın vaxtlarda Qəzzada atəşkəs əldə oluna bilər.