Ceyhun Bayramov Polşada Borellə görüşüb

Avropa İttifaqının (Aİ) xarici siyasət və təhlükəsizlik məsələləri üzrə ali nümayəndəsi Cozef Borel ATƏT-in Xarici İşlər Nazirləri Şurasının 29-cu iclasında Azərbaycanın xarici işlər naziri Ceyhun Bayramovla görüşüb.

“Birxeber.Az” xəbər verir ki, bu barədə Borel tviter hesabında bildirib.

“Azərbaycanın xarici işlər naziri Ceyhun Bayramovla regional problemləri müzakirə etdim. Aİ-nin Cənubi Qafqazda sülh danışıqlarına və tərəflər arasında etimadın yaradılmasına yardım etmək öhdəliyini vurğuladım. Sülh quruculuğu və regional tərəqqi istiqamətində səyləri davam etdirmək üçün Azərbaycanın əməkdaşlığına ümid edirik”, - ali nümayəndə qeyd edib.

Discussed regional challenges with Azerbaijan’s FM @Bayramov_Jeyhun. Underscored EU’s commitment to facilitate peace talks and confidence building in the South Caucasus. Counting on Azerbaijan’s cooperation to continue efforts towards peace building and regional prosperity. pic.twitter.com/SojQlytMoV

— Josep Borrell Fontelles (@JosepBorrellF) December 1, 2022