İsveçrədə Ukrayna Sülh Planı üzrə zirvə görüşü keçiriləcək

İsveçrədə Ukrayna Sülh Planı üzrə zirvə görüşü keçiriləcək.

Birxeber.Az-nın Türkiyə müxbirinin verdiyi xəbərə görə, bunu Ukrayna Prezidenti Vladimir Zelenski İstanbulda Türkiyə Prezidenti Rəcəb Tayyib Ərdoğanla baş tutan görüşünün nəticələrinə dair mətbuat konfransı zamanı bildirib.

O qeyd edib ki, Rusiya bu zirvəyə dəvət edilməyib. Zelenski həmçinin Türkiyə ilə birlikdə regionun təhlükəsizliyini gücləndirmək üçün çalışdığını da vurğulayıb.

Ukrayna lideri ortaq silah və sursat istehsalatı üçün işlərin də davam etdiyini əlavə edib.