Britaniyanın baş nazirinin qayınanası Hindistanda deputat olacaq

Britaniyanın baş nazirinin qayınanası Hindistanda deputat olacaq

Böyük Britaniyanın baş naziri Rişi Sunakın qayınanası olan məşhur hind yazıçısı Sudha Murti Hindistan prezidenti Draupadi Murma tərəfindən parlamentin yuxarı palatasının deputatlığına namizəd göstərilib.

“Report” xəbər verir ki, bu barədə Hindistanın “Swarajya” qəzeti yazır.

“Mən şadam ki, Hindistan prezidenti Sudha Murtinin namizədliyini irəli sürüb. Xanım Sudhanın sosial iş, xeyriyyəçilik və təhsil də daxil olmaqla müxtəlif sahələrə verdiyi töhfələr çox böyük və ruhlandırıcıdır”, - Baş nazir Narendra Modi bildirib.

Hindistan parlamentinin yuxarı palatası 245 üzvdən ibarətdir, onlardan 12-ni şəxsən prezident təyin edir. Bir qayda olaraq, onlar xüsusi xidmətləri ilə fərqlənmiş məşhur mədəniyyət və elm nümayəndələridir.