İstanbulda qaz ticarəti platforması tezliklə istifadəyə verilə bilər

İstanbulda qaz ticarəti platforması tezliklə istifadəyə verilə bilər

Türkiyə hökuməti ölkənin İstanbul şəhərində təbii qaz ticarəti platformasını ən qısa zamanda istifadəyə verməyi planlaşdırır.

“Report” xarici mətbuata istinadən xəbər verir ki, bunu Türkiyənin enerji və təbii sərvətlər naziri Alparslan Bayraktar Enerji və İqlim Forumunda bildirib.

“Biz "Qazprom"la (Rusiyanın təbii qaz inhisarçısı) əməkdaşlıq edərək İstanbulun maliyyə mərkəzi üçün qaz ticarəti platformasının yaradılması üzərində işləyirik. Düşünürük ki, biz bunu qısa müddətdə işə sala bilərik”, - o vurğulayıb.

Xatırladaq ki, Türkiyə qaz qovşağı ideyasını 2022-ci ilin oktyabr ayında “Şimal axını”na daxil olan kəmərlərin partladılmasından sonra Rusiya Prezidenti Vladimir Putin irəli sürüb. O, Rusiyadan qaz tədarükünün Qara dəniz regionuna istiqamətləndirilməsini və Türkiyədən Avropaya qaz ixracı, eləcə də bu enerji resursunun qiymətlərinin müəyyən edilməsi üçün platforma yaradılmasını təklif edib.