Emin Əmrullayev Türkiyə Basketbol Federasiyasının prezidenti ilə görüşüb

Azərbaycan Basketbol Federasiyasının prezidenti Emin Əmrullayev İstanbulda Türkiyə Basketbol Federasiyasının prezidenti Hidayət Türkoğlu ilə görüşüb.

"Birxeber.Az"un Türkiyə Basketbol Federasiyasının rəsmi saytına istinadən məlumatına görə, Sinan Erdem İdman Sarayında keçirilən görüşdə layihələr və ikitərəfli əlaqələr barədə fikir mübadiləsi aparılıb.

Görüşün sonunda E.Əmrullayev həmkarına Azərbaycan basketbol millisinin formasını hədiyyə edib. H.Türkoğlu isə E.Əmrullayevə "Türkiyənin basketbol sevgisi" və "Türkiyənin basketbol tarixi" kitablarını bağışlayıb.