DÇ-2022: Argentina və Polşa yığmaları 1/8 finala vəsiqə qazanıb

Argentina millisi Qətərdə keçirilən dünya çempionatında 1/8 finala yüksəlib.

"Birxeber.Az"un məlumatına görə, Cənubi Amerika təmsilçisi buna C qrupunun sonuncu - 3-cü turunda Polşa yığmasını 2:0 hesabı ilə məğlub etməklə nail olub.

Görüşdə hər iki qol 2-ci hissədə vurulub. 46-cı dəqiqədə Aleksis Makallister, 68-ci dəqiqədə isə Xulian Alvares fərqlənib.

Bu nəticədən sonra xallarını 6-ya çatdıran Argentina millisi qrup birincisi kimi pley-offa adlayıb və Avstraliyaya rəqib olub.

Bu qrupdan çıxan digər kollektiv isə Polşa millisi olub. Avropa təmsilçisi Meksika ilə eyni - 4 xala malik olsa da, topların nisbətinə (2:2) Cənubi Amerika kollektivini (2:3) üstələyib və 1/8 finala adlayıb. Avropa təmsilçisi bu mərhələdə Fransa ilə qarşılaşacaq.

Qətərdə keçirilən dünya çempionatında Polşa və Argentina yığmaları arasında C qrupunun III tur oyununda hesab dəyişib.

"Birxeber.Az"un məlumatına görə, Cənubu Amerika təmsilçisi 2-ci qolu avropalıların qapısından keçirib. 68-ci dəqiqədə Xulian Alvares fərqlənib.

Qətərdə keçirilən dünya çempionatında Polşa və Argentina yığmaları arasında C qrupunun III tur oyununda hesab açılıb.

"Birxeber.Az"un məlumatına görə, 46-cı dəqiqədə fərqlənən Aleksis Makallister Cənubi Amerika təmsilçisini önə keçirib.

Qətərdə keçirilən dünya çempionatında Polşa və Argentina yığmaları arasında C qrupunun III tur oyununda 2-ci hissə başlayıb.

"Birxeber.Az"un məlumatına görə, ilk yarıdan sonra hesab açılmayıb. 39-cu dəqiqədə Cənubi Amerika təmsilçisinin kapitanı Lionel Messi penaltini dəqiq yerinə yetirə bilməyib.

Qətərdə keçirilən dünya çempionatında Polşa və Argentina yığmaları arasında C qrupunun III tur oyununda ilk hissə başa çatıb.

"Birxeber.Az"un məlumatına görə, komandalar fasiləyə qolsuz bərabərliklə yollanıb. 39-cu dəqiqədə Cənubi Amerika təmsilçisinin kapitanı Lionel Messi penaltidən yararlana bilməyib.

Qətərdə keçirilən dünya çempionatında Polşa və Argentina yığmaları arasında C qrupunun III tur oyunu başlayıb.

"Birxeber.Az"un məlumatına görə, qarşılaşma Bakı vaxtı ilə saat 23:00-da start götürüb.

Qətərdə keçirilən dünya çempionatının C qrupunun III turunda üz-üzə gələcək Polşa və Argentina yığmalarının start heyətləri açıqlanıb.

"Birxeber.Az"un məlumatına görə, komandalar meydana aşağıdakı "11-liklər"lə çıxacaqlar:

Polşa: Voytsex Şesnı, Bartoş Bereşinski, Kristian Belik, Metti Keş, Pşemıslav Frankovski, Kamil Qlik, Yakub Kivyor, Qjeqoj Krıxovyak, Robert Levandovski (K), Pyotr Zelinski, Karol Sviderski

Argentina: Emiliano Martines, Nikolas Otamendi, Nauel Molina, Markos Akunya, Xulian Alvares, Rodriqo de Paul, Entso Fernandes, Kristian Romero, Aleksis Makallister, Anxel Di Mariya, Lionel Messi

Qeyd edək ki, qarşılaşma Bakı vaxtı ilə saat 23:00-da başlayacaq.