Dövlət Tibbi-Sosial Ekspertiza və Reabilitasiya Agentliyi auditor seçir
Əmək və Əhalinin Sosial Müdafiəsi Nazirliyi yanında Dövlət Tibbi-Sosial Ekspertiza və Reabilitasiya Agentliyi 2023-2024-2025-ci illər üzrə konsolidə edilmiş maliyyə hesabatlarının beynəlxalq standartlara uyğun auditi üçün açıq tender elan edib.
“Report” xəbər verir ki, tenderdə iştirak haqqı 350 manatdır.
İddiaçılar təkliflərini aprelin 16-na qədər Agentliyin Bakı şəhəri, Yasamal rayonu, Nazim Hikmət, 27 ünvanında yerləşən inzibati binasına təqdim edə bilərlər.
Təkliflərə aprelin 16-da, saat 17:00-da qeyd olunan ünvanda baxılacaq.