XİN rəhbəri: Ermənistan “Zvartnots” hava limanını özü mühafizə edə bilər

Ermənistan müstəqil şəkildə “Zvartnots” hava limanını mühafizə edə bilər.

Birxeber.Az “Sputnik Armenia”ya istinadən xəbər verir ki, bunu Ermənistanın xarici işlər naziri Ararat Mirzoyan deyib.

Erməni nazir bildirib ki, ölkəsi müstəqil şəkildə paytaxtın “Zvartnots” hava limanında sərhəd mühafizəsini həyata keçirə bilər. Onun sözlərinə görə, Rusiyanın köməyinə ehtiyac yoxdur.

Mirzoyanın fikrincə Ermənistanın ehtiyacı olduğu müddət ərzində Rusiya sərhədçilərinin mövcudluğu dövlətə dəstək olaraq lazım idi: “Hazırda sərhəd xidmətini müstəqil həyata keçirmək üçün institusional imkanlar var və biz bu barədə Rusiya tərəfini məlumatlandırmışıq”, - XİN başçısı əlavə edib.