Nazir müavini: Əhali üzrə 3G və 4G şəbəkəsinin əhatə dairəsi 100%-ə yaxındır

Hazırda ölkədə aktiv mobil internet istifadəçilərinin sayı 8.8 milyon nəfərdən çoxdur. Hər yüz nəfərə düşən aktiv mobil internet abunəçilərinin sayı 86 nəfər təşkil edib.

“APA-Economics”in xəbərinə görə, bunu Rəqəmsal inkişaf və nəqliyyat nazirinin müavini, “Texnologiya və innovasiyalar” işçi qrupunun rəhbəri Samir Məmmədov “Biznes Mühitinin Yaxşılaşdırılması üzrə İqtisadi İslahatlar və Müasir Çağırışlar” konfransında çıxışı zamanı deyib.

O bildirib ki, əhali üzrə 3G və 4G şəbəkəsinin əhatə dairəsi 100%-ə yaxındır.