Armen Qriqoryan: Qərbdən Ermənistana heç bir təzyiq yoxdur

Qərbdən Ermənistana heç bir təzyiq yoxdur və heç kim Ermənistanın Rusiya ilə münasibətlərini pozmayıb.

APA xəbər verir ki, bu barədə Ermənistan Təhlükəsizlik Şurasının katibi Armen Qriqoryan brifinq zamanı bildirib.

"Bizi tez-tez ittiham edirlər ki, Ermənistanla Rusiya arasında münasibətlər bizim sayəmizdə pisləşib. Gəlin vəziyyətə daha geniş nəzər salaq və Rusiyanın digər ölkələrlə münasibətlərinin pisləşib-pisləşmədiyini anlayaq.

Ermənistan kimi çoxlu nümunələr var. Məsələyə insani müstəvidə nəzər salaq: əgər bir nəfər çox adamla pis münasibətdədirsə, deməli, bu, çoxlarının problemi deyil, yəqin ki, bir nəfərin problemidir”, - deyə Armen Qriqoryan qeyd edib.