İSF-nin gəlirləri və xərcləri artıb

2023-cü ildə Əmək və Əhalinin Sosial Müdafiəsi Nazirliyi yanında İşsizlikdən Sığorta Fondunun (İSF) həm gəlirləri, həm də xərcləri 217,7 milyon manat təşkil edib.

“Report” xəbər verir ki, bu barədə Nazirlər Kabinetinin 2023-cü ildə fəaliyyəti haqqında hesabatda bildirilir.

Sənədə əsasən, bu, 2022-ci illə müqayisədə 20 % çoxdur.

Ötən il İSF-nin xərclərinin əsas hissəsini - 38,9 %-ni və yaxud 84,7 milyon manatını özünəməşğulluq fəaliyyətinin təşkili ilə bağlı xərclər, 19,6 %-ni və yaxud 42,7 milyon manatını isə məşğulluq orqanlarının saxlanılması ilə bağlı xərclər təşkil edib.