Avdeevkanın Rusiya nəzarətinə keçməsindən sonra şəhərdə qalan əhalinin sayı açıqlanıb

Ukraynanın Donetsk vilayətinin Avdeevka şəhərinin Rusiyanın nəzarətinə keçməsindən sonra şəhərdə qalan əhalinin sayı açıqlanıb.

APA-nın Rusiya bürosu xəbər verir ki, Rusiya baş nazirinin müavini Marat Xusnullin hazırda Avdeevka şəhərində minə yaxın insan yaşadığını söyləyib.
"Mən Avdeevkada idim, orada minə yaxın insan yaşayır. Mənə bilmək lazım idi ki, biz onu nə qədər tez bərpa edə bilərik və onu qışa necə tez hazırlaya bilərik... Baxdıq, orada dəhşətli heç nə yoxdur. Təmas xəttini uzaqlaşdırıldıqdan sonra biz orada hər şeyi tez bərpa edəcəyik”, - deyə Xusnullin Soçidə keçirilən Ümumdünya Gənclər Festivalı çərçivəsində “Bilik. Birinci” marafonunda çıxış edərkən bildirib.