Bayden Rusiyaya qarşı sanksiyaları daha bir il uzadıb

ABŞ Prezidenti Co Bayden Ukraynadakı müharibəyə görə Rusiya Federasiyasına qarşı tətbiq edilən sanksiyaların müddətini bir il müddətinə uzadıb.

Birxeber.Az xəbər verir ki, bu barədə Ağ Evdən bildirilib:

"Mən qərara aldım ki, Ukrayna ilə əlaqədar 13660 saylı İcra Sərəncamı ilə yaradılmış milli fövqəladə vəziyyətin uzadılmasının zəruriliyi var", - deyə Baydenin Konqrəsə göndərdiyi məktubda bildirilib.

Qeyd edək ki, ABŞ-nin Rusiyaya qarşı sanksiyaları 2014-cü il martın 6-da tətbiq edilib.

Bundan sonra bu qərarlar mütəmadi olaraq uzadılıb.