Almaniya Kansleri Böyük Britaniya məhkəməsini Culian Assanjı müdafiə etməyə çağırıb

Almaniya Kansleri Olaf Şolts Böyük Britaniya məhkəməsini ABŞ-a ekstradiya edilə biləcək “WikiLeaks”in qurucusu Culian Assanjı müdafiə etməyə çağırıb.

“Report” xəbər verir ki, bu barədə martın 4-də “Die Welt” qəzeti məlumat yayıb.

Kansler bildirib ki, Britaniya məhkəmələri Assanjın müdafiəsini təmin etsəydilər, o, dövlət sirlərini açıqladığına görə ABŞ-də təqiblə üzləşə bilər.

Olaf Şoltsun sözlərinə görə, belə bir müdafiəni həyata keçirmək üçün indi şanslar artıb: “Çünki son görüşdə ABŞ nümayəndələri britaniyalı hakimləri “WikiLeaks”in təsisçisinin mümkün cəzası ilə bağlı haqlı olduqlarına inandıra bilməyiblər”.

Xatırladaq ki, C.Assanj hazırda Böyük Britaniyada həbsdədir. Birləşmiş Ştatlar onu casusluq və məxfi məlumatları açıqlamaq da daxil olmaqla 18 maddə üzrə ittiham edir. Bu ittihamlara əsasən, onu 175 il həbs cəzası gözləyir.

2012-ci ildə İsveçdə cinsi təcavüz və zorlamada ittiham olunan Assanj ABŞ-yə ekstradisiya ilə üzləşdikdən sonra Ekvadorun Londondakı səfirliyində gizlənir. Yeddi il sonra Ekvador diplomatik missiyası jurnalisti girov şərtlərini pozduğuna görə həbsxanaya salaraq Britaniya hakimiyyətinə təhvil verib.