Tovuzda avtomobil piyadanı vuraraq öldürüb

Tovuzda avtomobil piyadanı vuraraq öldürüb

Tovuz rayonunda piyadanın ölümü ilə nəticələnən ağır yol-nəqliyyat hadisəsi baş verib.

"Birxeber.Az" xəbər verir ki, hadisə şəhərin Heydər Əliyev prospektində qeydə alınıb.

Belə ki, rayonun Düz Cırdaxan kənd sakini Firuz Qocayev idarə etdiyi "Toyota Corolla" markalı avtomobillə piyada, 1978-ci il təvəllüdlü, Tovuz rayonunun Abulbəyli kənd sakini Almaz Abdullayevanı vurub. Yaralı aldığı xəsarətlərdən hadisə yerində ölüb.

Faktla bağlı cinayət işi başlanılıb, istintaq aparılır.