TÜRKPA-nın Baş katibi: “İnanırıq ki, Nuru Paşanın, Vətən Müharibəsi şəhidlərinin ruhu şaddır”

Azərbaycan 44 günlük Vətən Müharibəsində qəhrəmanlıq göstərib və ərazi bütövlüyünü bərpa edib.

Birxeber.Az xəbər verir ki, bunu TÜRKPA-nın Baş katibi Mehmet Süreyya Er Qafqaz İslam Ordusunun komandanı Nuru Paşanın vəfatının 75-ci ildönümü ilə əlaqədar Bakıda keçirilən tədbirdə deyib.

Baş katib Türkiyə-Azərbaycan münasibətlərinin möhkəm bağlara sahib olmasını vurğulayıb.

"Şuşa Bəyannaməsi Azərbaycan-Türkiyə qardaşlığının yeni mərhələsinin əsasını qoyub. Bu gün inanırıq ki, Nuru Paşanın, Qafqaz İslam Ordusu şəhidlərinin, Vətən Müharibəsi şəhidlərinin ruhu şaddır. Xalqımız onları unutmayacaq, əbədiyyən xatırlayacaqdır", - o əlavə edib.