Şirvanda avtomobil piyadanı vuraraq ağır xəsarətlər yetirib

Şirvanda yol-nəqliyyat hadisəsi baş verib.

APA-nın Mil-Muğan bürosunun məlumatına görə, Şirvan sakini, 1980-ci il təvəllüdlü Babayev Fuad Babaxan oğlunu minik maşını vuraraq ağır yaralayıb.

Piyada çoxsaylı sınıq xəsarətləri ilə (politravmalarla) Şirvan Şəhər Xəstəxanasına yerləşdirlib.

Onun ixtisaslı müalicə alması üçün paytaxta - Travmatalogiya Mərkəzinə göndərilməsi gözlənilir.

Faktla bağlı araşdırma aparılır.