Rusiya ölkə tarixində həcmcə ikinci ən böyük taxıl məhsulu göstəricisini əldə edib

Rusiya tarixində ikinci həcmcə ən böyük taxıl məhsulu göstəricisini 2023-cü ildə əldə edilib və təxminən 143 milyon ton olub, yeni bölgələrlə isə bu göstərici təqribən 147 milyon ton təşkil edib.

“Birxeber.Az-Economics” xəbər verir ki, bu barədə Rusiya Kənd Təsərrüfatı Nazirliyi nazir Dmitri Patruşeva istinadən öz “Telegram” kanalında paylaşım edib.

"2023-cü ilin yekunları haqqında: ölkə tarixində (həcm üzrə - red.) ikinci taxıl məhsulu əldə edilib. İlkin məlumatlara görə, bu, təqribən 143 milyon ton, yeni bölgələrlə isə təxminən 147 milyon ton təşkil edir", - paylaşımda qeyd olunur.

Xatırladaq ki, Rusiya Azərbaycanın buğda idxal etdiyi ölkələrdən biridir. Belə ki, ötən il Azərbaycana 303 milyon 983 min dollar dəyərində 1 milyon 175,3 min ton buğda idxal edilib. Bu göstərici 2022-ci illə müqayisədə həcm baxımından 9,1% və ya 117 min 655 ton, məbləğ baxımından isə 30.4% və ya 132 milyon 538 min dollar çoxdur.

Əlavə edək ki, 2023-cü ildə ölkəyə idxal edilmiş buğdanın 1 tonunun orta qiyməti, əvvəlki illə müqayisədə 23,4% azalaraq 439.6 manat təşkil edib.