KEMBRİC təhsil sistemi hər kəsə daha əlçatan oldu! - FOTO

Növbəti (2024/2025) tədris ilində Bakıda yeni özəl orta məktəb fəaliyyətə başlayacaq.

"LANDAU Education Group"-un yeni layihəsi olan və bu ilin sentyabr ayında açılacaq ZƏFƏR Liseyinə artıq qəbul başlanıb.

"Hər kəsə əlçatan özəl təhsil!" devizi altında yaradılmış ZƏFƏR Liseyində 3 bölmə – Azərbaycan, ingilis və rus bölmələri mövcuddur.

Bu liseyin proqramı Kembric kurikulumu, həmçinin yerli tədris proqramı əsasında hazırlanıb.

Azərbaycan və rus bölmələrində dərslər yerli kurikulum əsasında, ingilis bölməsində isə Kembric tədris proqramı əsasında keçiriləcək. Həmçinin Azərbaycan və rus bölmələri üzrə riyaziyyat, təbiət elmləri və ingilis dili fənləri Kembric kurikulumu əsasında tədris olunacaq.

Hazırda qəbul prosesi ikinövbəli təhsil sistemi əsasında Azərbaycan və rus bölmələri üzrə 1-3 siniflər, ingilis bölməsi üzrə isə 1-ci sinif üçün aparılır.

ZƏFƏR Liseyində təlim prosesi sosial və emosional öyrənmə (SEL) metodikasına, təhsil sistemi isə həm Kembric Beynəlxalq kurikulumuna, həm də yerli tədris proqramına əsaslanır. Hazırda dünyanın bir sıra təhsil müəssisələrində təlim və tədris metodikası kimi tətbiq olunan SEL və Kembric sistemləri şagirdlərin təhsil həyatları ilə yanaşı, gələcək karyeralarında da müsbət təsirini əyani olaraq sübut etmişdir.

SEL hər yaşda olan şagirdlərə öz emosiyalarını daha yaxşı anlamağa, bu emosiyaları tam şəkildə hiss etməyə və başqalarına empatiya nümayiş etdirməyə kömək edən təlim metodologiyasıdır.

Kembric Beynəlxalq Kurikulumu isə təhsil sahəsində qlobal standartlara əsaslanır və bütün dünya üzrə universitetlər tərəfindən, həmçinin işəgötürmə prosesi zamanı şirkətlər tərəfindən tanınır.

Kembric sistemi digər ölkə kurikulumlarına asanlıqla uyğunlaşdırıla bilindiyi üçün unikal təhsil sistemi hesab olunur. Beləliklə, ZƏFƏR Liseyində Azərbaycan və rus bölmələri üzrə təhsil alan şagirdlər də beynəlxalq təhsil almış olacaqlar.

ZƏFƏR Liseyinin üstünlükləri:

- Beynəlxalq kurikuluma əsaslanan təhsil
- İngilisdilli mühit
- Bütün bölmələr üzrə ingilis dilində tədris
- Aylıq ödənişlə özəl təhsil

Zabrat-Pirşağı yolu, "Xəzər Bağları" ünvanında (Məhəmmədi dairəsinin yaxınlığında) yerləşən lisey bu ilin 15 sentyabr tarixindən fəaliyyətə başlayacaq.

Hazırda ZƏFƏR Liseyinə erkən qeydiyyata start verilib. Qeydiyyatdan keçmək üçün liseyin rəsmi saytı olan "www.zafarliseyi.az"-da onlayn formanı doldura və ya +994 50 209 25 37 nömrəsi ilə əlaqə saxlaya bilərsiniz.

Daha yaxşı gələcək üçün hər kəsə əlçatan özəl təhsil!