Ukrayna kəşfiyyatı: Rusiya ilə bu gün əsir mübadiləsi baş tutmalı idi

Ukrayna kəşfiyyatı: Rusiya ilə bu gün əsir mübadiləsi baş tutmalı idi

Yanvarın 24-ü çərşənbə günü Rusiya ilə Ukrayna arasında əsirlərin mübadiləsi baş tutmalı idi, lakin bu hələ baş vermir.

Birxeber.Az “Ukrainskaya pravda”ya istinadən xəbər verir ki, bunu Ukrayna Müdafiə Nazirliyinin Baş Kəşfiyyat İdarəsinin və Koordinasiya Qərargahının nümayəndəsi Andrey Yusov “Azadlıq” radiosuna deyib.

“Qeyd edə bilərəm ki, bu gün üçün nəzərdə tutulan mübadilə hələ baş tutmur”.

Qeyd edək ki, bu gün Rusiyanın Belqorod vilayətində İl-76 nəqliyyat təyyarəsi qəzaya uğrayıb. Qəzada 65 ukraynalı əsir və 9 heyət üzvü həlak olub. Rusiya hərbçilərin bu gün baş tutmalı olan əsir mübadiləsi çərçivəsində Ukraynaya təhvil verməyi planlaşdırdıqlarını açıqlamışdı.