Rusiya TŞ-nin katibi iranlı həmkarı ilə yeni uzunmüddətli sazişin hazırlanmasını müzakirə edib

Rusiya Təhlükəsizlik Şurasının katibi Nikolay Patruşev Moskvada iranlı həmkarı Əli Əkbər Əhmədian ilə danışıqlarda Moskva ilə Tehran arasında yeni uzunmüddətli sazişin hazırlanmasını müzakirə edib.

“Birxeber.Az” xəbər verir ki, bu barədə Rusiya Təhlükəsizlik Şurası məlumat yayıb.

"Görüşdə yeni ikitərəfli hərtərəfli uzunmüddətli sazişin hazırlanması məsələsinə toxunulub. Bu fundamental sənədin imzalanmasının bütün sahələrdə qarşılıqlı faydalı əməkdaşlığın daha da genişlənməsinə güclü təkan verəcəyi vurğulanıb”, - məlumatda qeyd edilib.