Həkim: Baydenin səhhəti ona prezident vəzifəsini icra etməyə imkan verir

Co Baydenin səhhəti ona ABŞ prezidenti vəzifəsini icra etməyə tam imkan verir.

APA-nın TASS-a istinadən verdiyi məlumata görə, bu barədə Amerika liderinin növbəti tibbi müayinəsinin nəticələrinə görə Ağ Evin mətbuat xidməti çərşənbə günü dərc etdiyi rəyində deyilir.
“Prezident Bayden 81 yaşlı sağlam, aktiv və cəsarətli bir insandır və Prezident kimi öz vəzifələrini, o cümlədən İcra Hakimiyyətinin Başçısı, Dövlət Başçısı və Ali Baş Komandan kimi vəzifələrini yerinə yetirməyə qadirdir”, - mətndə qeyd olunur.