Azərbaycanın təşəbbüskarı olduğu qətnamə BMT-də təsdiq üçün tövsiyə edilib

Bu gün BMT Baş Assambleyasının Sosial, Humanitar və Mədəni məsələlər Komitəsində Azərbaycanın təşəbbüsü ilə müzakirəyə çıxarılan itkin düşmüş şəxslərlə bağlı qətnamə Baş Assambleyanın 77-ci sessiyası tərəfindən dekabr ayında təsdiq edilməsi üçün konsensusla tövsiyə olunub.

“Birxeber.Az”un yerli bürosu xəbər verir ki, Azərbaycanın nümayəndə heyəti tərəfindən irəli sürülmüş “İtkin düşmüş şəxslər” adlı bu taleyüklü qətnaməyə BMT-nin 63 üzv dövləti həmmüəllif olub.