Sabiq məcburi köçkün: Sözlə ifadəedilməz sevinc hissləri yaşayıram

Sözlə ifadəedilməz sevinc hissləri yaşayıram.

“Birxeber.Az” xəbər verir ki, bu barədə doğma yurduna qayıdan Laçın sakini Cəvahir Həsənli söyləyib.

“O qədər sevincli hisslər yaşayıram ki, onu sözlə ifadə edə bilmirəm. Neçə il aradan sonra doğma yurduma qayıtdığıma görə çox xoşbəxtəm. Nəhayət, 32 illik həsrətə son qoyulur”, – təqaüdçü qeyd edib.

Daha öncə Laçında abadlıq-quruculuq işləri ilə tanış olduğunu söyləyən keçmiş məcburi köçkün şəhərin daha da gözəlləşdiyinə diqqət çəkib.

Sonda Laçın sakini şəhidlərə rəhmət, qazilərə şəfa diləyib.