Almaniya kansleri: Aİ ölkələri öz qoşunlarını Ukraynaya göndərməyəcək

Almaniya kansleri: Aİ ölkələri öz qoşunlarını Ukraynaya göndərməyəcək

Avropa İttifaqı öz qoşunlarını Ukraynaya göndərməyəcək.

“Report” xəbər verir ki, bunu Almaniya kansleri Olaf Şolts deyib.

O, həmçinin NATO ölkələrinin öz ordularını Ukraynaya göndərməyəcəyindən əmin olduğunu qeyd edib.

Avropa Komissiyasından isə bildirilib ki, hazırda Ukraynaya qoşunların göndərilməsi ilə bağlı Aİ səviyyəsində ümumi qərar yoxdur.

Qeyd edək ki, daha əvvəl NATO Baş katibi Yens Stoltenberq də oxşar məzmunda açıqlama vermişdi.

Kremlin sözçüsü Dmitri Peskov daha əvvəl deyib ki, Alyansla birbaşa toqquşma qaçılmaz ola bilər.

Xatırladaq ki, bundan əvvəl NATO Hərbi Komitəsinin rəhbəri admiral Rob Bauer Alyansın Rusiya ilə müharibəyə hazır olduğunu bildirib. Almaniyanın müdafiə naziri Boris Pistorios də söyləyib ki, qarşıdakı illərdə Rusiya ilə Alyans arasında savaş başlaya bilər. NATO-nun Baş katibi Yens Stoltenberq isə bildirmişdi ki, Alyans Rusiya ilə müharibənin qarşısını almağa çalışır.

Daha əvvəl Böyük Britaniya Silahlı Qüvvələrinin Baş Qərargah rəisi Patrik Sanders Rusiya ilə müharibəyə hazır olmaqla bağlı əhaliyə xəbərdarlıq edib. Yens Stoltenberq isə Rusiya iqtisadiyyatının uzunmüddətli müharibəyə hazırlandığı barədə açıqlama verib. Həmçinin, NATO-nun müdafiə naziri Byorn Arild Qram da Rusiya ilə müharibəyə hazır olmaq barədə xəbərdarlıq edib. Estoniya kəşfiyyatı isə məlumat yaymışdı ki, Rusiya nə qədər lazımdırsa, müharibəni uzatmağa hazırdır. Litva XİN başçısı Qabrielius Landsbergis da Rusiyanın NATO ölkələrinə gözlənilməz hücumu barədə xəbərdarlıq edib.

Rusiya Xarici İşlər Nazirliyinin sözçüsü Mariya Zaxarova daha əvvəl demişdi ki, NATO müharibəyə qoşula bilər.