Azərbaycan iqtisadiyyatına kredit qoyuluşları 20%-dən çox artıb

2024-ci il fevral ayının 1-nə Azərbaycan iqtisadiyyatına kredit qoyuluşları 24 362.5 mln. manat təşkil edib.

"APA-Economics" Azərbaycan Mərkəzi Bankına istinadən xəbər verir ki, bu cari ilin yanvar ayının 1-nə olan göstərici ilə müqayisədə 1.6% çoxdur.

2023 ilin fevral ayının 1-i ilə müqayisədə isə iqtisadiyyata kredit qoyuluşları 20.3% və ya 4 mlrd. 103.3 mln. manat artıb. Belə ki, ötən ilin fevral ayının 1-nə kredit qoyuluşlarının həcmi 20 259.2 mln. manat təşkil edib.