Makron Ukraynaya uzaqmənzilli silahların tədarükü üçün koalisiya yaradıldığını açıqlayıb
Ukraynanın Qərb müttəfiqləri Kiyevi uzaqmənzilli silahlarla təmin etmək üçün koalisiya yaradıblar.
APA-nın məlumatına görə, bunu Fransa prezidenti Emmanuel Makron Parisdə keçirilən Ukraynaya dəstək konfransı başa çatdıqdan sonra deyib.
Makron Yelisey sarayının X (keçmiş Twitter) səhifəsində yayımlanan mətbuat konfransı zamanı deyib: "Biz orta və uzun mənzilli raketlər və bombalar tədarük edəcək doqquzuncu koalisiya yaradırıq".
Fransa lideri xatırladıb ki, əvvəllər müəyyən növ sursatların tədarükünə həsr olunmuş səkkiz koalisiya yaradılıb.